×
有效咁呼籲大家參與
你嘅目的，係要說服人參加聯署。講清楚你關心嘅問題，提供解決方法，指出邊個有權做呢個決定，解釋你嘅行動會點樣促成佢去做呢個決定，解決問題。 你需要提供必要嘅事實根據，支持你嘅講法。好多對呢個問題有興趣但唔熟悉嘅人，唔會睇晒長篇大論，所以問題嘅背境要講得扼要。
主要內容
- 危機：一開始就要講清楚你想改變乜嘢，千祈唔好兜圈。可以突出呢個問題會造成乜嘢危機，強調必須要解決。
- 我哋點樣帶嚟改變：即係呢個聯署行動會點樣令問題得以解決 — 考慮聯署信會發俾邊個收，喺佢嘅決策過程中，公眾壓力有乜嘢作用。
- 要求：記住邀請讀者參與你嘅行動，亦可以講清楚你哋要求收信人做乜嘢嘅細節。
- 支持你論據嘅資料：有冇嘢你嘅支持者需要知道？有冇歷史資料需要解釋？或者批評需要反駁？
貼士
- 要忍手，介紹文字唔好寫得太長，反而要一針見血。（雖然好難！）
- 解釋時機嘅重要性 — 點解要而家行動？點解咁急切？
- 如果有嘢唔知使唔使寫，就即係唔使—如果有啲嘢你唔肯定係唔係必須包括，就應該唔係。
- 寫每個字，都要考慮讀者 — 你嘅文字要動員到人簽名，而且收聯署信嗰個人，可能會上網睇吓你搞乜（尤其是如果你對佢施加好大壓力）。