×
將聯署信發俾最適合嘅收信對象
收你封聯署信嘅人，就係你公開呼籲要採取行動嗰個人。收信嘅對象啱唔啱，會決定你嘅行動到底會成功，定係冇人理。 決定將你嘅聯署信發俾邊個並唔容易，需要考慮嘅因素包括：
聯署信要發俾邊個收：
- 收信對象應該係有權作出有關決策嘅人。 如果佢需要請示上級，你不如發俾佢上級。一個替公司買傢俬嘅買辦，可能要問准老闆，先可以改賣唔用雨林區木材嘅傢俬。 如果喺兩個人之中揀一個收信，就揀權力較大嗰個。
- 收信對象應該係一個人， 而唔係一個團體，或一間公司。例如發俾國會委員會主席或者一個重要成員，而唔係俾國會委員會，亦唔係國會；發俾市長，唔係市政府；發俾公司總裁，唔係間公司。同一個聯署行動，可以發俾多過一個人收信，例如議會有兩個未決定點樣投票嘅議員，可以兩個都發。
- 收信嗰個都係人， 佢有情緒，有專業抱負，有朋友、家庭、同埋所有其他人都有嘅嘢；你要想像呢啲嘢會點影響佢喺你個議題上嘅決策、乜嘢對佢最重要。如果你知道佢出年退休，佢就唔會考慮下屆嘅選票，反而會緊張以後嘅人記得佢做過啲乜嘢。
需要考慮嘅問題：
邊個可以決定答應你嘅要求？
- 收信對象必須係有權答應你要求嘅人。
- 收信對象必須同你提出嘅解決方法有直接關係。
呢個人會唔會對聯署作出反應?
最有權嘅人，通常亦係最難接觸到嘅人。
- 如果係一間公司：總裁應該係最適合嘅對象，但係佢非常忙。 將聯署信發俾決策者嘅同時，亦要同公司其他人溝通，例如公關部門，確認你接觸到公司內部可以直接同總裁講到嘢嘅人。
- 如果係國家政府：國家元首權力當然大，但係佢唔會參與國內每一個決策。你嘅問題有幾重要？有冇登上佢嘅議程？否則一個部長或者議員可能係更適合嘅對象。