×
一個成功嘅網上聯署行動大綱
由一個好主意開始
每一個成功嘅聯署行動，都係由一個好主意開始。你希望改變乜嘢？ 而且係你可以施加壓力帶嚟改變嘅嘢？信自己直覺
好多人唔信，但係你嘅經驗、情緒、直覺，其實係最好嘅探測器。如果你覺得有啲嘢唔公義，但係可以改變，好可能其他人會同意你嘅睇法。三個簡單步驟，創建一個聯署行動
用Avaaz嘅社群聯署行動平台，將諗法變成行動，話都冇咁易！跟以下步驟做：
- 開始：輸入呢個聯署行動嘅基本資料 — 你有乜嘢要求？會將聯署信發俾邊個？點解？
- 發佈：預覽你嘅聯署行動，睇吓有冇嘢要改，發佈出去，搵人簽名。
- 分享： 你準備好，就周圍話俾人聽 — 你個聯署係唔會無端端就簽滿名嘅！
https://secure.avaaz.org/community_petitions/yue/start_a_petition/
開工！開工！開工！
創建咗聯署行動，就開波出去搵簽名啦！點擊呢度，睇吓有效嘅行動貼士：https://secure.avaaz.org/community_petitions/yue/how_to_promote_your_petition/
發送聯署信
你準備好聯署信，就要肯定有效咁送到收信人手上。 最簡單就係用電郵寄俾佢，講清楚你要求佢做乜嘢，附上收集到嘅聯署名單，再跟一個電話，肯定佢收到。你嘅做法越有創意越好 — 可以盡量發揮你嘅想像力，甚至用意想不到嘅方法！唔一定要網上發俾佢，可以考慮親身去搵佢，或者安排見面，甚至用出其不意嘅方法，令佢記得呢件事，或者吸引到傳媒注意；你諗到乜嘢方法都值得試吓。
唔好俾佢停
將聯署信交到收信人手裏面一次，一般算成功，但有時唔一定。有時送信只係一個更大型行動嘅第一步。 嘗試從收信人嘅角度出發，將成件事由頭到尾諗一次 — 如果你係佢，點先可以令你有反應？可能要將聯署信更直接咁送到你手上，或者用更震撼嘅動行動將信送俾你， 又或者係更多簽名，令你覺得事態嚴重。 有時候，如果行動上到新聞，會更容易令收信人有反應。